... ég er að reyna að velja mér flík frá Júniform en ég get ekki með nokkru móti valið. Það er svo rosalega margt flott þarna. Ég hallast nú samt held ég helst að þessum tveimur efstu.. Ef þú hefur e-a skoðun á þessu máttu endilega láta hana í ljós



















Bara flott....

Vitiði hvað er best í heimi?
Ég veit það sko.. það er að ríða út í góðu veðri á góðum hesti
Það gerði ég á laugardaginn.. fór marga túra.. og það var bara geðveikt. Ég hef lítið getað riðið út undanfarið eitt og hálft ár. Svo nú um helgina skrapp Silja norður í dekur og ég dekraði sko sjálfa mig. Svaf út á laugardaginn, fór í ræktina og svo fór restin af deginum í hestana.. og það var sjúkt.
Akkúrat þetta er það sem gefur lífinu gildi, burt frá öllu stressi, bara ég, náttúran og hesturinn. Enda segir nú í einu kvæði "knapinn á hestbaki er kóngur um stund" Það eru sko sannmæli, nema í mínu tilfelli var ég prinsessa
Annað sem er bara yndi er að fara í sund, ætti að gera það oftar.. bara nice, sérstaklega þegar maður þarf ekki að hafa áhyggjur af barni, getur bara legið og slappað af. Fór nebbla með Nönnu á sunnudaginn og það var æði. Af hverju gerir maður ekki meira svona og minna af þessu ómerkilega.. t.d. tölvuhangsi.
Ég veit alla vega hvernig páskarnir mínir verða.. skíði, hestar og sund Og líklega e-r lærdómur.. í fyrsta sinn á þessu ári

Hvað er samt málið að alltaf skuli allt lenda á sömu helgi? Núna næstu helgi er árshátíð hjá líffræðinni (rvk), 100 ára afmæli langömmu minnar (ak), litla frænka verður skírð (ak) og árleg bústaðahelgi okkar stelpnanna (ak). Bögg bögg bögg.. svo eftir helgi er verklegt (eiginlega skyldumæting) á mánu- og þriðjudag fyrir páskafrí. BÖGG!! Mig langar svo í allt!!!

Well.. farin að leggja höfuðið í bleyti yfir þessu öllu saman...
...eins og ég sé búin að blotna nóg í kvöld Helv uppþvottavélin lak, losnaði e-r slanga og það var allt á floti, ég hefði getað tekið skriðsund í eldhúsinu

Kv. María rennblauta sem þarf að ákveða alltof mikið á stuttum tíma

Ég má til með að monta mig aðeins, stundum má það

Um síðustu helgi gerðist ég djörf og skellti mér á skíði í fyrsta sinn síðan ég var 12 ára og fór með Silju í hennar allra fyrsta skipti Ég verð nú að viðurkenna að ég var stressuð.. en það var fljótt að víkja þegar það rifjaðist upp hvað þetta er gaman. Við Silja skemmtum okkur stórvel, enda veðrið fullkomið og allt gekk svo vel. Silja renndi sér ein í þriðju ferðinni (í litlum bratta þó) og ég var alveg ofur stollt af píslinni minni Og hún var ekki síður stollt.. sólskinsbros á okkur mæðgum Þetta er sko alveg málið, að leika svona saman úti í góðu veðri. Hlíðafjall er sko málið um páskana..

Annað sem ég er mjög stollt af er að ég fór á mánudaginn og gaf blóð Mér hefur alltaf verið illa við nálar (þegar ég er stungin alla vega) en núna ákvað ég bara að feisa óttann og vitiði.. þetta var sko núll mál Núna ætla ég að fara á 4. mánaða fresti svo lengi sem ég má Enda eru járnbirgðirnar og hemóglóbínið í topp málum Allir að fara og gefa blóð...

Hélt síðan Enjo kynningu í vikunni.. sem er nú bara ekkert gaman, en keypti þá bara nóg af nammi til að bæta það upp

Bauð svo stelpunum í mat í gærkvöldi, svona í tilefni af afmælinu mínu sem er nú víst löngu liðið.. En það var rosa gaman og lágu hér afvelta gellur um alla stofu.. þar fór biggest looser keppnin fyrir lítið

Missti mig svo aðeins í Victoria´s secret kaupum með Önnu og Lindu sem eru með mér í líffræðinni.. eða við misstum okkur aðeins.. Ekkert smá erfitt að velja þarna, það er svo svo mikið sem mann langar í... En það verða sko jólin eftir 10 daga þegar vörurnar koma.. Sweet..

Well.. best að koma sér í háttinn svo ég geti spriklað í ræktinni í fyrramálið Ekki veitir af eftir svona viku....

XOXO

Long time no see........
Hey hey, ég hef verið að fá smá athugasemdir um að ég sé slappur bloggari, bætum úr því slúðri Það sem af er þessu ári hefur í aðalatriðum eftirfarandi átt sér stað..

... pabbi átti afmæli 1. jan og 3 dögum síðar fagnaði "litli" brói 18 ára afmæli sínu. Þeir feðgar fengu ferð á Liverpool leik í afmælisgjöf, sem er einmitt næstu helgi.. ekki slæmt það

... ég fékk mér MySpace Ætlaði sko ALDREI að fá mér svoleiðis! - er síðan bara frekar mikið húkt á þessu drasli hehehe.. En það er samt leyndó

... héldum 7 manna matarboð er suður kom, boðið var uppá humar, rjúpur, hangikjöt og eftirrétt. Finnst sko humar ÆÐI!!! Hvernig gat ég ekki borðað þetta?? Síðan var spilað og kíkt á djammið. Aldeilis gott kvöld það Ef frá er dregin þessi 2 daga þynnka sem fylgdi í kjölfarið..

... skólinn byrjaði á fullu og ég var (og er enn)  í engum gír Stundaskráin er asnaleg og erfitt var að fylla í hana kúrsa sem mig langaði í því það skaraðist allt. Þannig þetta er allt saman hálf glatað.. og ég hef hvorki keypt né opnað bók á þessari önn :/ Ekki einu sinni kíkt á fyrirlestur.. og nú er ég að fá magasár af stressi..

... tók "sjúkrapróf" í lífmælingum, vona að það hafi farið vel.. *krossa fingur* þetta fag er alla vega andskotanum leiðinlegra! Enda var ég ekki nógu dugleg að læra..

... fékk æði fyrir Gossip Girl þáttunum, sem var einmitt ein ástæðan (af mörgum) fyrir því að ég lærði ekki nógu mikið fyrir sjúkraprófið mitt... Ég elska þessa þætti, fallegt fólk, flott föt.. görlí görlí görlí...  mí læk

... fór í mína fyrstu og aðra vísindaferð.. rosa fínt nema í þeirri fyrri, þar sem haldið var á Ölver að lokinni vísindaferð, það er nú frekar glataður staður...

... Ægir fór í aðgerð á hné, sem lengdi fríið hans um tvær vikur, ekki slæmt það

... svo er Amor minn veikur.. fékk hrossasótt (eða svo var haldið) og er ekki enn búinn að jafna sig. Hef haft mjög miklar áhyggjur af honum, það er nú önnur ástæða fyrir því að hafa ekki lært nógu mikið fyrir prófið (aðal var samt leti, áhugaleysi og hversu leiðinlegt þetta er). En alla vega á tímapunkti hélt ég að hann væri að fara frá mér og var að því komin að stökkva uppí næstu vél og beila á prófinu. Nú virðist hann LOKSINS vera á batavegi, rúmum mánuði síðar. En það veit samt í raun enginn hvað var/er að. Kannski hann sakni mín bara.. alla vega sakna ég hans mest í geimi..

... já svo hélt ég fyrirlestur um daginn í þroskunarfræði.. hélt það yrði síðasta skipti sem ég drægi andann Ég man varla eftir því, frekar móðukennt) En þetta er svo sannarlega ekki minn tebolli, enda ætla ég forðast þetta af öllum mætti!! Fátt sem ég hræðist meira..

... og um daginn, í verklegri þroskunarfræði vorum við að skoða lifandi fóstur. Það var mjög gaman og áhugavert, en um leið svo sorglegt. Skoðuðum hænuungafóstur í eggi, komin mislangt í þroskunarferlinu. Sáum hjörtun slá og allt það, frekar erfitt að opna eggin og vita að maður væri að fara „drepa“ litlu ungana. Enda hætti ég að opna elstu eggin og fékk bara að sjá hjá öðrum. Á þessum stigum lítur þetta bara út eins og mannsfóstur..

... er byrjuð í biggest looser átaki með stelpunum, kannski kominn tími til. Langar að nota allar fallegu gallabuxurnar mínar aftur!! En ég er alla vega búin að vigta mig, ummálsmæla, mæla fituprósentu og svona... nú geri ég þetta af alvöru Annars ætla ég ekki að rausa um nein markmið, frekar að láta verkin tala

... já svo átti ég víst afmæli, alltaf hækkar talan en mér finnst ég aldrei breytast neitt.. nema kannski þessar óvelkomnu línur í andlitinu.. þvílíkar boðflennur!! En ég er alla vega ung í anda.. mjög ung meira að segja Er samt farin að ljúga til um aldur.. strax, sem er kannski fáránlegt.

En í tilefni dagsins fórum við Ægir ásamt Ragga og Ástu að borða á Tapasbarnum. Nammi namm.. uppáhalds! Fengum líka ooofur feitan reikning. Svo kíktum við aðeins saman í bæinn, en vorum þó afar spök.  

 ... um helgina höfum við Silja síðan aðallega verið í heimsóknum eða fengið heimsóknir.. sem er uppáhalds Enda faug helgin frá mér og allt sem ég ætlaði að gera.... var ógert :/ Fórum líka á efnafræðisýningu, sem var mjög gaman.. minna gaman að heyra minnst á það að einn lítill gúmmíbangsi innihaldi 20kcal.
Vorum á mini-þorrablóti í gær.. og knúsaði ég Önnu litlu sem mest ég mátti, endalaust sæt  Það er nú alveg saga til næsta bæjar þegar ég nenni að knúsast með börn, ætli það segi ekki e-ð um hversu mikið yndi hún er..

 ... svo er myndavélin mín bara gufuð upp. Hennar er sárt saknað.. vona að ég rekist á hana fljótlega, því ég er hálf ónýt án hennar

 En jæja þetta er orðið heldur langt blogg hjá mér, kannski ég reyni að blogga oftar og minna í einu.. ég er alla vega orðin sybbin..

Svo megið þið alveg reyna að kvitta þarna sem eruð að leggja leið ykkar hér inn...

you know you love me...

xoxo...

Gossip Girl....

Ætli það sé ekki við hæfi að byrja á að óska lesendum gleðilegrar hátíðar..

Ahh... jólin, dásamlegur tími.. ekki satt? Svona þegar frá er dregið allt stress og kaupæði sem virðist aukast með hverju árinu. Það skemmir pínu.. ég vil ekkert stress, ekki dýrar gjafir.. sem koma beint frá hjartanu, kærleik, slappa af og njóta þess að vera til 

En alla vega...

Desember.. framan af eyddi ég honum að mestu uppá bókasafni í VRII, las og glósaði frá mér allt vit á milli þess sem ég skaust að sækja mér mat (lang oftast á KFC) eða í búðir að tína til jólagjafir handa vinum og ættingjum. Ég er ekkert sérstaklega stolt af þessari próftíð þar sem ég geymdi próf.. sem á bara eftir að koma og bíta mig í rassinn... Janúar verður því strembinn Auk þess sem ég komst að því (again) að það borgar þig líklega að læra aðeins yfir önnina, geyma ekki ALLT fram á síðustu stundu

Hélt í mér lífinu í prófunum

Amerískur kleinuhringur.. sem gerði pásu frá lestri skemmtilegri

Rakst á þetta á hlaupum við að kaupa jólagjafir og nammi í próflestri.. ég veit ekki með ykkur.. en mér finnst þetta full dónaleg uppstilling fyrir leikfangadeild

En þrátt fyrir próflestur var þetta góður mánuður.. t.d. þegar rauðklæddu kallarnir fóru að færa glaðning í skó mátti vart sjá hvor okkar var spenntari.. ég eða Silja Úff, hvað mér finnst þetta gaman Samviskubitið nagaði mig þó frekar mikið.. að geta ekki jólast meira með Silju En vonandi næ ég því næst En ég er heppin, á gott fólk í kringum mig sem sá til þess að Silja upplifði jólastemminguna í öllu sínu veldi Takk.

Nú svo átti hún Sissa frænka litla gullfallega prinsessu þann 11. des. Hún er alveg yndisleg og það er svo gaman að sjá Sissu í þessu nýja hlutverki Við Silja erum alveg heillaðar af henni og hlökkum sko til að fá að passa hana

Yndislega litla frænka mín

Þegar ég sagði mínum próflestri svo loknum (einu prófi of snemma.. eða tveim ) var tvennt sem beið mín, Dexter og Victorias Secret tískusýningin.. þá voru sko jólin Victorias Secret sýningarnar eru í einstaklega miklu uppáhaldi hjá mér, en það vitið þið eflaust sem hafið lesið hér reglulega  En þetta var ekki það eina sem beið mín.. jólagjafakaup, innpökkun, taka jólakortamynd og fleira svona jólastress..  sjæsa

Uppáhalds

Algjörir ofur kroppar í ofur nærfötum..

Fáránlega heitur

Jólakortamyndataka.. sem gekk ekkert ofur vel..

Jólakortamyndin í ár, ekkert fullkomin - en varð að duga

21. desember brunuðum við mæðgur ásamt jólakettinum Pardusi norður yfir heiðar, ekki nema svona 5 tímum á eftir áætlun Það var bara alltaf að koma meira og meira sem gera þurfti fyrir brottför.. Og missti ég því af þreföldu 25 ára afmæli, fannst það ekki gaman og kvíði því að sjá myndir úr afmælinu og sjá hverju ég missti af

En auðvitað lét ég mig ekki vanta á Gus Gus þann 22. des.. ákvað það strax og ég heyrði að þau væru að spila þennan dag að ég færi sko - sama hvað! Skemmti mér bara mjög vel, ákvað að prufa að drekka BARA gin, svona til að reyna að koma í veg fyrir þynnku.. og það svona svínvirkaði daginn eftir var ég sko laus við alla þynnku Þó ég hafi drukkið meira en góðu hófi gegnir..

Á leið í glamúrpartý:

Kristbjörg, Rakel og ég í glamúrfíling

Ég eldhress

Þannig að á Þorláksmessu var ég við hestaheilsu að klára jólagjafir og gera jólakortin. Jólakortin fóru svo ekki póst fyrr en á aðfangadagsmorgun, alltaf svo tímanlega í öllu þessi María.

Aðfangadagur var æði.. hann er alltaf dáldið mikið uppáhalds Nammi og barnaefni.. nema í ár fór ég í hestaleiðangur með afa.. sem endaði með hjálmlausum berbakreiðtúr.. frjáls sem fuglinn.. bara næs.

Fékk rjúpur í jólamatinn sem er líka uppáhalds Pakkarnir skiptu örugglega hundruðum undir 2 m háa ameríska jólatrénu okkar. Silja og Taníu rifu upp hvern dýrgripinn og fætur öðrum.. rosa gaman.. þær voru svo rosa spenntar en samt svo stilltar  Við fullorðna fólkið vorum sko aldeilis ekki skilin út undan og fengu allir marga og fagra pakka. Mér finnst alltaf gaman að fá pakka, en ég gæti svo auðveldalega verið án þess.. fæ mínar gjafir í gegnum Silju. Besta gjöfin var einmitt frá henni.. ljóð sem mamma lét Silju gera, svo gaf hún okkur líka skál sem hún málaði og dagtal sem hún gerði á leikskólanum.. uppáhalds Ég nenni nú ekkert að fara telja upp gjafirnar.. en Júniform fötin frá Ægi rokkuðu sko alveg Er sko algjör pæja í því

Aðfangadagskvöld

Ljóðið frá Siljunni

Jólaprinsessa

Við mæðgur á jóladag

Síðustu dagar hafa svo farið í heimsóknir, kjötát, spil.. sem ég hef öll unnið, sleðaferðir í Jólasveinabrekku, litlu-jól með stelpunum, skiptumst þar á gjöfum - og spiluðum - ekkert fyllerí að þessu sinni, bíó á the Beemovie, Deperate housewifes gláp langt fram á nætur, skauta (kem ekki sterk þar inn), hesthúsið - þar sem við lékum við folald... og fleira svona svo e-ð sé nefnt.. og svo auðvitað þessi týpíska jólaleti Ægir greyið þurfti að fara á sjó milli hátíða, sem er ömurlegt og ætti ekki að eiga sér stað.. en maður ræður víst litlu um það

Já svo er ég búin að vera ofur ofur dugleg að setja myndir inná síðuna hennar Silju.. henti inn myndum fyrir 4-5 mánuði. Fyrir það fæ ég sko stórt klapp Vá hvað það var leiðinlegt og ætlaði engan endi að taka..

Í Jólasveinabrekku

Skautadrottningar

Silja með folaldinu

Ég með dúllunni litlu

Svo er auðvitað ekki hægt að blogga á gamlársdag öðruvísi en að fara yfir árið. Það verður fljótlegt þar sem þetta var nokkuð tíðindalítið ár.. Jæja, ég byrjaði reyndar í líffræði og hef kynnst þar fullt af skemmtilegu fólki. Námið þykir mér í flesta staði áhugavert.. sem samt er ég ekki alveg viss um að þetta sé nákvæmlega það sem ég vil gera.. kannski er það þess vegna sem ég hef ekki lagt mit neitt fram í þessu....sem er pirrandi. Ég varð kvartaldargömul á árinu sem mér þykir hræðilegt um leið og ég er þakklát fyrir að fá tækifæri til að fá að eldast. Ég flutti aftur í Hlíðarnar og finnst yndislegt að vera þar, en hata samt að flytja.. En þegar ég renni yfir árið í huganum er eitt sem stendur upp úr. Það er friður sem loks komst á.. fyrir fullt og allt Áralöng ósætti voru lögð að baki og við tók vinátta, sætti, skilningur og þakklæti. Fyndið að það sem eitt sinn pirraði mig, skuli ég í dag vera svona þakklát fyrir. Fyrir vikið líður mér vel í hjartanu og finn innri frið

Silja með bræðrum sínum 

Ég stóð auðvitað ekki við síðustu áramótaheit frekar en aðrir. Árið 2008 verður ár ákvarðana og breytinga.. meira ætla ég ekki að segja.. látum bara verkin tala. "Eina" áramótaheitið mitt er temja mér meiri þolinmæði og finna sjálfa mig.. hvort tveggja mjög þarft.. Mér finnst ég stundum vera í lausu lofti og horfa á lífið frá hliðarlínunni

Stjörnuspá dagsins í dag:

Vatnsberi: Þú samþykkir fólk sem er mjög ólíkt þér. Það er yndislegur siður og kostur sem átt þú án efa að taka með þér inn í nýja árið. Skildu eftir þörfina til að þóknast öðrum. 

Ok þá er ég hætt, komið meira en nóg held.......

Gleðilegt ár og takk fyrir það gamla!!!!!!!!

Love... María

Svona í tilefni þess að ég er að lesa um litninga, gen og DNA fram og tilbaka núna þá langar mig að deila með ykkur info sem ég hef rekist á....

Í líkama okkar mannanna er frumufjöldinn trúlega á bilinu 10¹² til 10¹⁴. Í frumulíffræðinnni var mér kennt að það væru 10¹³ frumur. Ok.. og í hverri frumu er um 2 metrer af DNA. Þannig að þá er lengd DNA í líkamanum 2x10¹³ m. Það er töluvert lengra en fjarlægð jarðar frá sólu sem er "aðeins" 1,5x10¹¹ m. Allt þetta kemst fyrir inní okkur Þetta finnst mér merkilegt!!

Einnig las ég einu sinni að tæki maður allar æðar líkamans og raðaði þeim í eina beina línu, myndu þær ná 2,5 hringi kringum jörðina Það finnst mér líka merkilegt - ótrúlegt!!

Líkaminn okkar er svo skemmtilegur

Hætt!!!!!!!!!!

hætt að blogga.....

hætt í skóla.....

hætt að borða....

hætt að hlægja....

hætt að passa í föt.....

hætt að geta lært......

hætt að hugsa.....

hætt að skilja.....

hætt að....... lifa

hætt.....

Stöndum upp og klöppum fyrir stelpunni sem sem sparkaði sjálfri sér í ræktina...

... og by the way.. þessi stelpa er ég

Loksins loksins hafði ég mig af stað. Búið að standa til síðan um miðjan júlí En betra er seint en aldrei. Fór bæði laugardag og sunnudag, harkan í manni

Uppskar síðan þessa hræðilegu strengi.. sérstaklega í kálfunum.. ég haltra um eins og gömul kona, get ekki stigið í hægri fótinn nema rétt tyllt í tærnar. Frekar fyndin sjón. Þannig ég fékk frí í dag

Annars veit ég ekki hvað ég er að hamast í ræktinni þegar ég get fengið líkamsrækt í flösku... ég er sko nebbla að kaupa bara hollt og gott núna (ok.. að mestu alla vega..) og prófaði að kaupa drykk sem heitir Froosh og á að vera 100% hreinn ávaxasafi og ekkert annað. Fínt fyrir svona stelpur eins og mig, sem er alltaf á síðustua stundu og nennir aldrei að útbúa neitt. Gott að grípa máltíð í flösku.. nema það er meira..

Á flöskunni stendur:

Líkamsrækt? Til hvers?

Ef þú ákveður að fara í líkamsrækt, en endar með að biðja einhvern að fela íþróttadótið þitt, ertu með líkamsræktarfælni. Ef svo er skaltu prófa þennan jarðarberja & banana smoothie. Þú þarft ekki að taka þátt í neinu, ekki að fara neitt og þú þarft ekkert að fara hjá þér innan um öll vöðvatröllin. Samt er safinn nærri eins hollur og líkamsrækt vegna þess að hann er unnin úr hreinum ávaxasafa. Fáðu þér glas og skálaðu fyrir íþróttadótinu þínu. 

Afsakið, verð ég þá mjó ef ég drekk bara andsk... nógu mikið af svona "fínum" safa??? Og styrki ég líka hjarta- og æðakerfið?? Og þjálfa ég kannski líka litlu sætu vöðvana mína?? 

Nehh.. frekar fer ég í Laugar, gott fyrir líkama og sál.. og augu híhí...

Kv. María, sem ætlar að verða ógissla mjó.. skiluru

Er ég ein um að finnast of snemmt að minnast á jólin núna?? Það var í byrjun október sem ég sá jólaauglýsingu fyrst nú í ár. Það var fyrirtæki að auglýsa þjónustu sína við að hengja upp jólaseríur. Stuttu seinna sá ég auglýsingu frá dótabúð... JÓLAÚTSALA. Svo í síðustu viku liggur leið mín inní Hagkaup.. þar er byrjað að selja jólaskraut Allt fullt af jólasveinum, jólakúlum og öllu þar á milli. Mér er skapi næst að sleppa viðskiptum við svona fyrirtæki, sem ætla að reyna græða sem mest í tilefni jólanna.

Nú er ég mikið jólabarn.. elska jólin með öllu sem þeim fylgja.. nema kannski svíðandi debet/visakortið En í alvöru..þetta er bara til að skemma jólaandann. Fyrsta í aðventu eða 1. des má allt verða útatað í jóla jóla.. en þetta fíla ég hreinlega ekki Jól eiga ekki að vera þessi eyðslu- peninga- keppnis bull sem þau eru orðin. Þetta gerir mig pirraða. Mér finnst í lagi að kaupa jólagjafir snemma .. svona til að dreifa álaginu..

Hmm.. kannski ætti ég að sleppa jólagjöfum í ár og gefa smá upphæð til einhverra sem minna mega sín. Þá slepp ég við jólaösina og stressið og geri góðverk.. svona kærleikur eins og jólin eiga að snúast um Kannski.. ef ég ætti ekki barn.

Jæja nóg af jóla tuði.. hehe

over & out

Heil og sæl öll,

hef ekki verið neitt alltof dugleg að blogga, enda svo sem ekkert merkilegt að skrifa um. Bara þetta venjulega hversdagslega líf

Jæja, það er samt alveg fínt.. þið vitið... þetta... líf. Hér eru smá punktar úr hversdagsleikanum:

• Silja fór norður í 4 daga, þeir dagar fóru að mestu í lærdóm.. enda búin að vera slugsast heldur mikið á þessari önn
• skrapp á kaffihús með Guðnýju vinkonu meðan Silja var fjarri.. diner, kaffi, hlátur og spjall... og vá hvað ég vildi geta stundað það oftar.. verð að fara fjárfesta í barnapíu
• Guðný var líka rosa sæt og færði mér sjóræningjastaup frá Florida.. very Maríu-like
• fór í sláturgerð á leikskólanum hennar Silju, ef ég borða einhvern tíman aftur slátur... þá er alla vega mjög langt þangað til.. þetta er ógeð
• fékk 10 fyrir erfðafræðiskýrslu ekki slæmt það... spurning hvað hinar skýrslurnar munu gefa mér..
• Daníel bróðir sendi mér svo gömlu Nintendo tölvuna mína senda suður um daginn og super mario bros 3... það var æði.. fékk smá nostalgíukast.. smá.. mikið...
• Fékk furðulegt komment um daginn, tók bensín.. fór inn og borgaði eins og heiðarlegum borgara sæmir.. sem er ekki merkilegt í sjálfu sér.. nema að strákurinn í afgreiðslunni sagði við mig að ég væri geðveikt sveitaleg hmm.. sko ég var með hárið greitt í 2 "sveitalegar" fléttur og var líka í kúrekastígvélum. Alla vega gekk ég að afgreiðsluborðinu og dró upp kortið og hann segir eftir smá stund: "þú ert geðveikt sveitaleg"..... smá þögn.... (ég var að spá hvað ég gæti sagt gáfulegt).... svo aulaði ég upp einhverju litlu´"nú" þá kom drengurinn: "já hárið og svona" ... "það er sko geðveikt sætt" ... "þú ert sko geveikt sæt" ég: "ömmm.... taaaakk" (hikandi og hugsandi" og hann reyndi eitthvað að gera þetta vandræðalega andartak minna vandræðalegt með því að segja aftur að ég væri sæt.. og sveitleg með hárið svona. Svo kvaddi ég.. gekk út og var ekki viss hvort mér hefði verið hrósað eða "móðguð" ... hehe.. en hey, hann kallaði mig alla vega sæta.. sveitaleg eða ekki takk dude... (i think )
• Svo skellti ég mér auðvitað á Oktoberfest þar síðustu helgi.. það var svaka gaman.. þið vitið þetta venjulega bjór og meiri bjór. Beilaði á að fara í bæinn, sem var bara gott mál.. ég var alveg nógu full án þess
• Svo er bara þetta venjulega afmæli, heimsóknir, læra, elda, vera mamma, vera ég (sem ég veit ekki alveg hvað er að vera), hanga með Eddu og hlægja frá mér allt vit meðan stelpurnar (Ester og Silja) dauðskammast sín fyrir okkur...
• Já við Edda vorum nebbla mömmur ársins um daginn... eða nei.. við fórum að borða á laugardagskvöldi með stelpurnar og tókum svo smá ísrúnt. Einn eða tvo Laugarvegsrúnta.. flottar mömmur Við vorum alla vega í miklum galsa og töluðum og hlógum eins og enginn væri morgundagurinn. Þær sátu prúðar aftur í.. reyndu stundum að fá athygli, svo var Ester orðin smá þreytt á að ná ekki tali við mömmu sína (sem var nota bene ekki af því ég talaði svo mikið Því svo heyrist í henni..: "María, þarft þú ekki aðeins að fara hvíla á þér munninn" hahaha.. úff hvað við hlógum.. svo mikið að aumingja Ester náði held ég athyglinni ekki nærri strax. Úff.. ég ætti að skammast mín
• Auðvitað skrapp ég svo í nýju dótabúðina um helgina, eins og allir á höfuðborgarsvæðinu.. eða ég geri ráð fyrir því miðað við röðina. Við Edda mættum galvaskar á laugardeginum með stelpurnar kl 16.. þá var búðin búin að vera opin í næstum 3 daga.. hélt mig hafa sloppið við mestu ösina, en jeminn.. það var svona 100 manna röð samt!!! Piff.. við snerum við og ég bakaði pönnukökur handa okkur. Læt sko ekki nappa mig í röð fyrir utan búð.. ekki nema dótið væri ókeypis eða eitthvað enn betra.. þetta var svo of Íslendingalegt, þessi röð. Fórum síðan aftur kl hálf sex, lausar við alla röð.. en það var svo troðið að ég gat varla hugsað Fór því aftur á sunnudeginum lét mig dreyma um að vera lítil stelpa.. eða nei nei.. ég var lítil stelpa. Mig langaði að kaupa allt, keypti 3 gjafir og nú hef ég ákveðið að stíga ekki fæti þar inn meðan fólk er að jafna sig.. Og líka meðan ég jafna mig
• Svo á föstudaginn var okkur Silju boðið í mat.. fórum í mat til Gauju, fyrrverandi Ægis, Begga og Benni voru líka og það var ótrúlega gaman Börnin léku, eldri kynslóðin  spjallaði og hló.. borðuðum ljúffengan mat og drukkum rauðvín.. allt voða eðlilegt og frábært Sumum finnst við kannski skrítnar.. hehe.. en okkur finnst við æði Sem við greinilega erum..
• Og jú.. þið sem tuðið allra mest yfir myndaleysi á barnalandi.. ég er alveg að komast í gírinn að fara gera eitthvað..

Og núna ætla ég að hætta, þarf að fara hvíla á mér munninn.. eða í þessu tilfelli puttana og gera eitthvað af viti, geri það of sjaldan...

Heyri í ykkur á morgun.. eða fljótt alla vega

Hola 

Skannaði um daginn myndir síðan ég og Gudda vorum að sýna á hártískusýningu árið 2000.. þegar maður var 18 ára, ungur og vitlaus... og brjálaðar gellur  hehe. Setti þær inn hér að neðan undir "kodak moments". Úff, ég man hvað mér fannst hræðilegt að þurfa að vera í þessum klæðnaði af því mér fannst ég ekki alveg nógu mjó!!!! Hvað er að... aldrei er maður ánægður.. 

Síðan var ég að reyna að setja inn myndir á barnaland þar sem það eru komnar kvartanir úr ýmsum hornum.. en þær bara vilja ekki hlaðast inn Reyni kannski aftur á morgun..

Annars var rólyndis dagur í dag.. sweet Við mæðgur héngum bara heima og höfðum það kósý yfir nammi og tv. Reyndi aðeins að læra.. en það var ekki alveg að virka í dag a.m.k.  - Silja virtist hafa afar gaman af félagsskap mínum, sem ég skil nottla mæta vel Svo var ég líka alveg rosalega þreytt.. en ég var svo sniðug að "niðurhala" (furðulegt orð ) heilli seríu af Dóru þáttum um daginn.. þannig við mægður skriðum með nammipokana okkar uppí rúm, Silja horfði á 3 eða 4 þætti meðan mammslan dottaði.. svo gott Þetta er reyndar á ensku en Silja hefur engu að síður mjög gaman af þeim, heyrist ekki múkk í henni á meðan hún horfir Drottinn blessi barnaefni....

Síðan fann ég rosa sniðuga síðu, sem er með myndum sem maður getur prentað út og látið börnin lita.. eða litað sjálfur.. ég gerði það í dag og hafði gaman af hehe.. slóðin er:

http://www.coloring-book.info/coloring/index.php

Jæja, er hætt blaðri, rólegt kvöld fram undan með lærdómi eða Grey´s Anatomy glápi.. eða reyna plata e-n í heimsókn. Djammið verður að bíða að sinni útaf fjandans lyfjunum.. sem ég elska samt af því þau laga mig.....

Adios amigos

ps. vá hvað ég öfunda alla sem fóru í stóðréttir í dag í Laufskálarétt.. stefnan sett þangað á næsta ári..

...hef voða takmarkað að segja eitthvað. Er með ljótuna núna.. sem er mjög leiðinlegt til lengdar og svo er ég bara að drukkna í skóla og þá aðallega verklegu og skýrslum þannig einhvern veginn verður lesturinn útundan, sem er ekki gott Er alvarlega að skoða hvort ég eigi að minnka þessar 20 einingar sem ég er skráð í niður í 16. Ég gæti nebbla lært 16 tíma á dag og það væri samt ekki nóg

Úff, stundum væri svo gott að fá að vera barnlaus háskólanemi, fá að upplifa aðeins meira frelsi, hafa tíma fyrir góðan lærdóm og vísindaferðir og almennan kjánaskap. En auðvitað gæti ég aldrei né vildi án Silju vera, hún er það besta sem ég á og mun nokkurn tíman eignast Hún hefur dúndur áhuga á að læra, talar mikið um bakteríur þessa dagana og veit hvað þær í munninum heita (sem eru auðvitað Karíus og Baktus) hehe, er búin að læra Staphylococcus aureus sem er á húðinni og svo einn af flórunni sem er í "rassinum" (afsakið dónaskapinn) en það er auðvitað hinn frægi E.coli.. nema þegar ég spyr Silju um þessa tilteknu bakteríu segir hún alltaf Rass coli.. sem mér finnst mjög fyndið. Held samt hún sé að verða komin með E. coli á hreint Ok.. smá nördalegt.. en nördaskapur getur verið mjög fínn

Er síðan að hakka í mig Grey´s Anatomy 3. seríu (sem skýrir kannski örlítið lærdómsleysið en ég reyni að halda því í góðu hófi. Grey´s er keppnis..  Sérstaklega þegar haustið lætur til sín taka þarna úti.. þá er svo notalegt að kúra undir sæng með kisulinginn minn, með heila seríu kertaljós og heitt kakó

Í gær var gaman, við Silja fórum útí garð á trampolínið í svona klukkutíma (nýttum okkur það að "hann" var þurr), og það var sko ógeð gaman.. ég hoppaði eins og enginn væri morgundagurinnSilja greyið var alltaf: "mamma, núna má ég" og "núna er komið að mér".. hehe.. missti mig aðeins Þetta er bara svo gaman

Og eins og margir vita sem þekkja mig, þá á ég það til að slá öllu á frest, eins lengi og ég kemst upp með það. Er hræðileg með þetta. Alla vega þá ætlaði ég að skrá Silju í íþróttir í vetur, nema nú get ég ekki valið hvað.. langar í fimleika, dans, ballett, sund eða jafnvel fótbolta.. og nottla reiðnámskeið ef það er í boði fyrir svona smáfólk

Eins og þið heyrið þá er allt að gerast hér í Eskihlíðinni höfum reyndar nóg fyrir stafni.. það vantar ekki. Ef e-ð vantar þá eru það fleiri klukkutímar í sólarhringinn...

Hmm.. eitt.. ætti maður að fara fá sér myspace? Sko þegar hún Greta Huld er komin með myspace.. þá þarf maður að fá sér myspace.. nema þá fer tíminn minn alveg til fjandans

Jæja.. vá.. enn leiðinlegt blogg. Ætla að hætta áður en e-r hreinlega... deyr

Enda þetta á svari við síðusta færslu..

Ægir fyrirsæta...

Allt í fæðingu..

Aftur.. meistaraverkið..

ps. Hmm.. eitt.. ætti maður að fara fá sér myspace? Sko þegar hún Greta Huld er komin með myspace.. þá þarf maður að fá sér myspace.. nema þá fer tíminn minn alveg til fjandans

Bwahahahaha....

ég hlæ mig alltaf máttlausa þegar ég sé þessa mynd

Tja.. hver skyldi maðurinn vera?? 

Þröstur 3000, Val Kilmer... eða bara einhver allt annar...?

Bwahahahaha...